Platforma sociale X, më parë Twitter, përjetoi sot një ndërprerje të madhe që preku përdorues në mbarë botën.
Mijëra persona, veçanërisht nga Gjermania, raportuan probleme në funksionimin e aplikacionit, me mbi 2,500 raportime të ndërprerjeve deri në orën 15:00 sipas orës lokale.
Kompania NetBlocks deklaroi se ky nuk është rasti i parë brenda javës, por problemi nuk lidhet me internetin apo bllokime rajonale.
Aktualisht, shkaku i ndërprerjes mbetet i panjohur dhe po punohet për zgjidhjen e tij. Platforma X është pjesë e portofolit të Elon Musk që nga viti 2022 dhe mbetet një nga rrjetet më të përdorura sociale në botë.
