Specialistët e Policisë së Lezhës, në bashkëpunim me Forcat e Posaçme “Shqiponja”, arrestuan Kristjan Hasanin, 28 vjeç, banues në fshatin Rrilë, i shpallur në kërkim ndërkombëtar nga autoritetet e Kosovës për vjedhje të rëndë.
Hasani është vendosur nën masën e sigurisë “Arrest në burg” nga Gjykata Themelore e Prizrenit më 12 maj 2025. Aktualisht po vijojnë procedurat për ekstradimin e tij drejt Kosovës, në bashkëpunim me Interpol Tirana dhe autoritetet kosovare.
