Armando Broja nuk do të jetë më pjesë e Evertonit. Klubi nga Liverpooli ka konfirmuar largimin e sulmuesit shqiptar me anë të një postimi në faqen zyrtare, ku i ka shprehur falënderimet për kontributin e tij.
“Ne do të dëshironim të falënderonim lojtarët tanë që ishin në huazim, të cilët kontribuuan në hapat pozitive që bëmë në fushë. Të gjithë ata përqafuan atë që do të thotë të luash për këtë klub dhe sjellja e tyre dhe përkushtimi gjatë periudhës te Evertoni ishte e klasit të parë. I urojmë Xhek, Xhepser, Orel dhe Armandos më të mirat në karrierën e tyre”, ishin fjalët e trajnerit Devid Mojes.
