Në një operacion policor të koduar “Pako 6”, u arrestua në flagrancë një 39-vjeçar në Rinas, i cili tentoi të futte në Shqipëri një valixhe me 19.4 kilogramë kanabis me përqindje të lartë THC.
Dh. Sh., banues në fshatin Kras, Tepelenë, vinte nga Tajlanda dhe synonte të shiste lëndën narkotike në vend. Valixheja me drogë iu sekuestrua si provë materiale.
Operacioni u zhvillua nga Drejtoria për Hetimin e Narkotikëve në bashkëpunim me Policinë e Tiranës dhe Prokurorinë, që vijojnë hetimet për të zbuluar dhe implikimin e personave të tjerë në këtë rast.
