Një zyrtar i lartë i Organizatës Botërore të Shëndetësisë dënoi të hënën faktin që asnjë nga kamionët e agjencisë me ndihma mjekësore nuk u lejua të hynte në Rripin e Gazës që nga përfundimi i bllokadës nga Izraeli.
Drejtoresha rajonale për Mesdheun Lindor e OBSH-së, Hanan Balkhy, gjatë një konference për media në Gjenevë tha se “nuk ka pasur asnjë kamion të OBSH-së që ka hyrë në Gazë për mbështetje në kujdesin mjekësor.”
“Situata është shkatërruese. Ne jo vetëm që jemi të shqetësuar për punën që po mbështesim, dhe dëshirojmë e shpresojmë të vazhdojmë ta mbështesim popullin, por jemi jashtëzakonisht të shqetësuar për pasojat e kësaj”, tha ajo.
