Autoriteti Kombëtar i Ushqimit (AKU) ka bërë me dije se mostrat e vezëve të kontrolluara, si në ferma ashtu edhe te furnizuesit, rezultuan negative për salmonelë. Në të njëjtën kohë, analizat në ambientet e Kopshtit Nr.1 në Gramsh zbuluan praninë e këtij bakterie, duke treguar se kontaminimi ndodhi brenda kopshtit dhe jo për shkak të vezëve.
AKU thekson se nuk ka raste të tjera të ngjashme dhe po vijon bashkëpunimin me institucionet për monitorimin e situatës. Autoriteti paralajmëron edhe kundër përhapjes së informacionit të pasaktë në rrjetet sociale, duke kujtuar se çdo deklaratë e pakontrolluar mund të sjellë pasoja ligjore.
