Një aksion i përbashkët i Prokurorisë dhe Policisë së Ekuadorit shkatërroi një organizatë që trafikonin kokainë të fshehur në kontejnerë me fruta pitahaja, të destinuara për Spanjën. Operacioni “Gran Fénix 23”, i zhvilluar më 29 maj në Quito dhe Guayaquil, çoi në arrestimin e 13 personave, përfshirë tre policë aktivë.
Hetimet u nisën në vitin 2024 pas kapjes së një ngarkese droge në Madrid, dhe zbuluan se trafikantët përdornin tregtinë e ligjshme të frutave për të fshehur drogën. Rrjeti përfshinte edhe bashkëpunëtorë shqiptarë në Spanjë, përgjegjës për transportin detar.
Të arrestuarit do të përballen me drejtësinë në Ekuador dhe Spanjë, ndërsa autoritetet vijojnë luftën kundër trafikut ndërkombëtar të drogës.
