Në procesin gjyqësor me dyer të mbyllura për vrasjen e 14-vjeçarit Martin Cani, pesë të mitur dhanë dëshmi si persona me dijeni për ngjarjen. Mes tyre ishte edhe K.B., i pranishëm në momentin e krimit dhe për të cilin familjarët kanë ngritur pretendime.
I pandehuri M. Përlleshaj ka mohuar të ketë qëlluar Martin Canin, duke deklaruar se objektivi i tij ka qenë Luis Meça, i cili mbeti i plagosur në ngjarje.
Në seancën e ardhshme do të dëshmojnë shtatë persona të tjerë, përfshirë katër të mitur.
