Presidentja e Kosovës Vjosa Osmani është nderuar me Medaljen prestigjioze për Shërbim Besnik dhe Meritor ndaj Atdheut nga Guvernatori i Përgjithshëm i Antiguas dhe Barbudas, Sir Dr. Rodney Williams, me autorizim të Mbretit Charles III.
Kjo dekoratë i është dhënë Presidentes Osmani për lidershipin e saj të guximshëm, kontributin për paqen, demokracinë dhe avancimin e rolit të grave në udhëheqje, si dhe për përkushtimin në forcimin e marrëdhënieve ndërkombëtare.
Presidentja Osmani e konsideroi këtë nder si një mirënjohje për popullin e Kosovës dhe përkushtimin e tij në mbrojtjen e lirisë.
