Akullnajat e botës po përballen me një krizë serioze: gati 40% e masës së tyre totale është e dënuar të zhduket, edhe nëse ngrohja globale ndalet menjëherë, sipas një studimi të ri të publikuar në revistën shkencore Science, raporton CNN.
Studiuesit parashikojnë se, krahasuar me vitin 2020, akullnajat do të humbin përfundimisht 39% të masës së tyre – një proces tashmë i pakthyeshëm – çka do të kontribuojë me një rritje prej 113 milimetrash të nivelit global të detit.
