Donald Trump ka urdhëruar rritjen e menjëhershme të tarifave për importin e çelikut dhe aluminit nga 25% në 50%, me qëllimin sipas tij për të mbrojtur prodhimin amerikan dhe sigurinë kombëtare.
Masa ka shkaktuar reagime të forta, si në qarqet e biznesit amerikan, ashtu edhe në arenën ndërkombëtare. Kritikët paralajmërojnë pasoja të rënda ekonomike, përfshirë humbje vendesh pune dhe rritje të kostove për sektorët prodhues.
Ndërkohë, BE-ja dhe Kanadaja kanë sinjalizuar kundërpërgjigje, ndërsa Britania e Madhe është përjashtuar përkohësisht nga regjimi i ri tarifor, në pritje të një marrëveshjeje tregtare me SHBA-në.
Trump, nga ana tjetër, mbetet i vendosur: “Synimi është që importet të mos jenë më të leverdisshme,” tha ai gjatë një vizite në një fabrikë çeliku.
