Një nënë 46-vjeçare dhe vajza e saj 6-vjeçare u gjetën të pajeta pas një zjarri në banesën e tyre në Hasrode, pranë Oud-Heverlee në Belgjikë.
Të dyja ishin pjesë e një familjeje ukrainase të zhvendosur në Belgjikë tre vitet e fundit. Hetimet tregojnë se në trupat e tyre janë gjetur plagë me thikë, ndërsa dyshohet se zjarri është vendosur qëllimisht për të fshehur krimin.
Nëna kishte ndërruar jetë në vend, ndërsa vajza nuk arriti t’i mbijetojë plagëve, pavarësisht përpjekjeve të mjekëve.
Kryefamiljari ndodhet aktualisht në Ukrainë, ku shërben në vijën e frontit. Policia po heton për të zbardhur shkaqet e kësaj ngjarjeje të rëndë.
