Zëvendëskryeministrja dhe ministrja e Energjisë dhe Infrastrukturës, Belinda Balluku, ka realizuar një inspektim në qendrën e monitorimit të tunelit të Llogarasë, ku ka theksuar rëndësinë e përdorimit të kamerave dhe monitorimit të vazhdueshëm për të siguruar respektimin e rregullave të trafikut.
Balluku u shpreh se çdo veprim në tunel është i monitoruar në kohë reale, duke përfshirë shkeljet e mundshme të Kodit Rrugor si parakalimi dhe shpejtësia e tepërt. Ajo theksoi se Policia Rrugore ka të dhëna të plotë për çdo lëvizje dhe mund të ndërmarrë masa të menjëhershme, përfshirë gjobat dhe ndëshkimet për shkelësit.
Përveç kësaj, ministrja vuri në dukje kushtet e punës në qendrën e monitorimit, duke siguruar që personeli të ketë kushte moderne dhe profesionale, në përputhje me standardet ndërkombëtare, për të mundësuar punë me rendiment të lartë.
Tuneli i Llogarasë, i cili u hap vitin e kaluar, ka sjellë një lehtësim të dukshëm në kalimin e automjeteve gjatë sezonit turistik, duke mundësuar një qarkullim më të sigurt dhe më të shpejtë.
