Siria pritet të rilidhet plotësisht me sistemin ndërkombëtar të pagesave SWIFT brenda pak javësh, pas më shumë se dhjetë vitesh izolim financiar. Këtë e bëri të ditur guvernatori i bankës qendrore siriane, Abdelkader Husrieh, në një intervistë për Financial Times.
Husrieh theksoi se rikthimi në SWIFT do të jetë një hap i rëndësishëm për përmirësimin e imazhit të Sirisë si një qendër financiare dhe do të ndihmojë në tërheqjen e investimeve të huaja, veçanërisht në rindërtim dhe infrastrukturë.
Pas heqjes së sanksioneve nga presidenti amerikan Donald Trump muajin e kaluar, megjithatë, sipas guvernatorit, nevojiten ndryshime të thella dhe të qëndrueshme në politikën ekonomike për të rikthyer besimin dhe stabilitetin.
Përveç rilidjes me SWIFT, plani i bankës qendrore përfshin reforma të mëdha ligjore dhe financiare për të rivendosur transparencën, lehtësuar kreditimin dhe inkurajuar sirianët në diasporë që të investojnë në vendin e tyre.
Kthimi në SWIFT do të lehtësojë tregtinë e jashtme, do të ulë kostot e importit dhe do të reduktojë varësinë nga rrjetet informale financiare që shpesh kanë tarifa të larta për transferimet.
Guvernatori paralajmëroi se tani bankat siriane po presin që bankat korrespondente ndërkombëtare të rifillojnë përpunimin e transfertave, duke shënuar kështu një kthesë të madhe drejt rikthimit ekonomik të vendit.
