Presidentja e Kosovës, Vjosa Osmani, ka shprehur ngushëllimet e saj për familjen Bukoshi pas vdekjes së ish-kryeministrit në mërgim, Bujar Bukoshi. Në një mesazh ngushëllimi, Osmani e cilëson Bukoshin si një personalitet të shquar dhe një udhëheqës të përkushtuar që dha kontribut të madh në periudha vendimtare për Kosovën.
“Dr. Bujar Bukoshi ishte një mjek vizionar dhe një figurë kyçe e rezistencës sonë paqësore, që përfaqësoi Kosovën me dinjitet dhe vendosmëri,” tha presidentja Osmani. Ajo shtoi se kujtimi i tij do të jetojë përgjithmonë dhe uroi familjarëve forcë për ta përballuar këtë humbje.
