Policia e Lezhës ka finalizuar operacionin “Kamuflimi”, duke arrestuar tre persona dhe shpallur në kërkim një tjetër, të përfshirë në shpërndarjen e drogës në zonat turistike të Shëngjinit.
Të arrestuarit janë dy burra nga Kosova, 21 dhe 28 vjeç, dhe një 43-vjeçar nga Franca. Në kërkim është një 30-vjeçar nga Kosova.
Grupi shpërndante kokainë, kanabis, ekstazi, MDMA dhe kërpudha haluçinogjene në zona të frekuentuara nga pushuesit. Gjatë operacionit u sekuestruan sasi të konsiderueshme droge, një automjet dhe tre telefona celularë që dyshohet se përdorej për organizimin e shitjes.
