Një ngjarje e rëndë ka ndodhur në fshatin Xibër-Murrizë të Klosit, ku 32-vjeçari Hazbi Velsula ka vrarë me thikë kushëririn e tij, 65-vjeçarin Selim Velsula. Konflikti mes tyre nisi për arsye të dobëta dhe përfundoi tragjikisht me sulmin me armë të ftohtë.
Pas ngjarjes, autori u arratis drejt Tiranës dhe u fsheh në banesën e vëllait të tij në lagjen Allias. Falë punës intensive të policisë së Dibrës dhe Tiranës, Hazbi Velsula u arrestua në mesnatë.
Në vendin e ngjarjes u sekuestrua arma e përdorur, një thikë, si provë materiale. Rasti po hetohet për veprat penale “Vrasja me paramendim” dhe “Mbajtja pa leje e armëve të ftohta”.
