Pas tensioneve të fundit ushtarake mes Izraelit dhe Iranit, është anuluar dasma e Avner Netanyahu, djali i kryeministrit izraelit Benjamin Netanyahu.
Ceremonia ishte planifikuar për ditën e hënë në kibucin Yakum, por shkaktoi reagime të forta në opinionin publik dhe thirrje për protesta nga kundërshtarët e qeverisë. Masat e sigurisë ishin përshkallëzuar ndjeshëm, përfshirë rrethimin me tela me gjemba dhe mbylljen e hapësirës ajrore në zonë.
Çifti kishte vendosur të mos ftonte figura politike, për të shmangur tensionet, por kritikat ndaj organizimit të dasmës u shtuan për shkak të situatës së vështirë me pengjet izraelite ende të mbajtura në Rripin e Gazës.
