Presidenti i SHBA, Donald Trump, është kthyer më herët nga samiti i G7-ës për të zhvilluar një takim urgjent me ekipin e sigurisë kombëtare në Dhomën e Situatave në Shtëpinë e Bardhë. Takimi lidhet me përshkallëzimin e konfliktit mes Izraelit dhe Iranit, ku Uashingtoni po shqyrton mundësinë e përfshirjes më të thelluar.
Ambasadori izraelit në SHBA, Yechiel Leiter, ka konfirmuar se Izraeli ka kërkuar mbështetje mbrojtëse nga SHBA. Ndërkohë, sipas burimeve pranë CNN, mbi 30 cisterna amerikane karburanti janë dërguar në Lindjen e Mesme për të përgatitur çdo operacion të mundshëm ajror në mbështetje të forcave izraelite.
