Ministri i Jashtëm i Iranit, Abbas Araghchi ka folur për mediat pasi mbaruan bisedimet me homologët europianë në Gjenevë.
Abbas Araghchi tha se Irani është “gati të shqyrtojë përsëri diplomacinë sapo të ndalet agresioni” dhe “agresori të mbahet përgjegjës për krimet e tmerrshme të kryera”.
Ai tha se programi bërthamor i Iranit është paqësor dhe se sulmet ndaj tij janë shkelje e ligjit ndërkombëtar. Gjithashtu shtoi se Irani do të vazhdojë të “ushtrojë të drejtën e tij legjitime të vetëmbrojtjes”.
“E bëj të qartë si kristali se aftësitë mbrojtëse të Iranit janë të panegociueshme”, tha ai.
