Udhëheqësi Suprem i Iranit, Ajatollah Ali Khamenei, ka emëruar tre klerikë të lartë si kandidatë për të pasuar atë në rast vdekjeje, njofton The New York Times, duke cituar burime të brendshme iraniane. Kushtetuta kërkon që Asambleja e Ekspertëve të zgjedhë pasardhësin në një proces që është përdorur vetëm një herë që nga Revolucioni Islamik në 1979.
Khamenei synon të sigurojë një tranzicion të shpejtë dhe të qetë, ndërsa tensionet me SHBA dhe Izraelin po rriten. Presidenti amerikan Donald Trump e quajti udhëheqësin suprem “objektiv të lehtë”, megjithëse shtoi se nuk do të ndërhyjë për momentin. Nga ana tjetër, kryeministri izraelit Benjamin Netanyahu nuk përjashtoi mundësinë e një operacioni kundër Khameneit, ndërsa ministri i Mbrojtjes, Israel Katz, tha se Khamenei nuk mund të lejohet të vazhdojë të ekzistojë, pas sulmeve iraniane ndaj Izraelit.
Zyrtarët iranianë po përgatiten për skenarë të ndryshëm në rast të përshkallëzimit të konfliktit, ndërsa zinxhiri komandues i regjimit duket i goditur, por ende funksionon.
