Në Hagë po zhvillohet Samiti i NATO-s. Ministri për Evropën dhe Punët e Jashtme, Igli Hasani është takuar me Sekretarin e Shtetit të SHBA, Marco Rubio, Përfaqësuesen e Lartë e BE-së për Politikën e Jashtme dhe të Sigurisë, njëherësh Zëvendës Presidente e Komisionit Evropian, Kaja Kallas dhe me homologë nga vendet anëtare të BE-së dhe vendeve kandidate etj.
“Gjatë takimit të Këshillit NATO–Ukrainë në Hagë, riafirmova mbështetjen e palëkundur të Shqipërisë për Ukrainën, vlerësova rolin udhëheqës të SHBA-së për zgjidhjen e krizës në Lindjen e Mesme, si dhe theksova rolin thelbësor të një shtylle të fortë evropiane për unitetin dhe qëndrueshmërinë e Aleancës” shkruan ai.
