Të paktën 10 persona humbën jetën dhe mbi 15 të tjerë u plagosën pas një shpërthimi të fuqishëm në një fabrikë kimike në Pashamylaram, Telangana të Indisë. Ngjarja ndodhi në uzinën “Sigachi Industries” pas shpërthimit të një reaktori, që shkaktoi zjarr masiv dhe panik në zonën industriale.
Zjarri u përhap me shpejtësi për shkak të kimikateve të ndezshme, duke detyruar autoritetet të ndërhyjnë me 11 automjete zjarrfikëse. U deshën disa orë për të vënë situatën nën kontroll, ndërsa ekipet e shpëtimit vazhdojnë kërkimet për punëtorët e mundshëm të bllokuar.
Shkaku i shpërthimit po hetohet, ndërkohë që qeveria nuk ka dhënë ende një deklaratë zyrtare për kompensimet apo masat e sigurisë në zonë. Si pasojë, disa fabrika pranë vendngjarjes kanë pezulluar punën si masë paraprake.
