Hamasi është distancuar nga propozimi i presidentit amerikan Donald Trump për një armëpushim 60-ditor në Gaza, duke kërkuar një marrëveshje që të çojë në përfundimin e plotë të luftës me Izraelin.
Zyrtari i Hamasit, Taher al-Nuno, deklaroi se grupi është i gatshëm të negociojë, por vetëm nëse marrëveshja sjell një ndalim të përhershëm të luftimeve.
Ndërkohë, Izraeli mbetet i vendosur të vazhdojë operacionet derisa Hamasi të mposhtet plotësisht.
Një delegacion i Hamasit pritet të udhëtojë në Kajro të mërkurën për bisedime me ndërmjetësuesit nga Egjipti dhe Katari.
