Drejtoria Vendore e Policisë Vlorë, në kuadër të kontrolleve për lirimin e hapësirave publike të zëna pa leje dhe verifikimin e ligjshmërisë së veprimtarive tregtare, ka konstatuar pesë raste shkeljesh në disa lagje të qytetit.
Në “11 Janari” dhe “Uji i Ftohtë”, E.H., I.D., K.B. dhe E.F. ushtronin veprimtari tregtare në mënyrë të paligjshme, pa leje dhe pa kasë fiskale. Në “10 Korriku”, M.I. ofronte shërbim parkimi pa autorizim dhe me punonjës të paregjistruar.
Në të gjitha rastet është nisur procedim penal për veprat e pushtimit të tokës, fshehjes së të ardhurave, ushtrimit të paligjshëm të veprimtarisë dhe punësimit të paligjshëm.
