Nënkryetari i Lidhjes Demokratike të Kosovës, Lutfi Haziri ka thënë se nesër do t’i drejtohet Gjykatës Kushtetuese.
Haziri ka thënë se do ti kërkojë shpjegim dhe vlerësim Kushtetueses në lidhje me çështjen nëse kryesuesi i Kuvendit Avni Dehari ka të drejtë t’i ftojë deputetët që ta zgjedhin komisionin për votimin e fshehtë.
“Ne prapë kemi me dërgu nesër, grupi i deputetëve të LDK-së e ka përgatitur draftin në Gjykatë Kushtetuese ku do të kërkojë shpjegim dhe vlerësim të Kushtetueses në lidhje me çështjen, sepse ne po ftohemi që të votojmë për një komision ad-hoc i cili në procedurë e sipër, kryesuesi fton pa të drejtë”, ka thënë Haziri.
“Ne do t’i drejtohemi në këtë frymë të vendimit që e ka sjellur, se a ka të drejtë kryesuesi të vazhdojë që t’i ftojë deputetët që të zgjedhin komision ad-hoc për votim të fshehtë. Është eksplicit në kërkesë”, ka shtuar ai.
