Ish-presidenti amerikan Donald Trump ka kërkuar dorëheqjen e menjëhershme të kreut të Rezervës Federale Jerome Powell përmes një postimi në platformën e tij Truth Social.
Ai e quajti Powell “tepër vonë” dhe i bashkëngjiti postimit një artikull që bën thirrje për hetim ndaj Powell, lidhur me deklaratat për rinovimet në selinë e bankës qendrore në Uashington.
Trump, i cili e emëroi Powell gjatë mandatit të tij, ka qenë kritik i vazhdueshëm i tij për mosuljen e normave të interesit, të cilat ai i sheh si të domosdoshme për nxitjen e rritjes ekonomike.
Powell ka deklaruar se politikat tarifore të administratës Trump ndikuan në vendimet për normat e interesit. Megjithatë, mbetet e paqartë nëse presidenti mund ta shkarkojë direkt kryetarin e FED-it.
