Qershori 2025 ka hyrë në histori si muaji më i nxehtë i regjistruar ndonjëherë në Evropën Perëndimore, sipas të dhënave të Shërbimit të Ndryshimeve Klimatike “Koperniku”.
Temperatura mesatare arriti në 20.49°C, duke thyer rekordin e vitit 2003.
Muaji u dominua nga dy valë të fuqishme të nxehtësisë, që goditën rajonin në mes dhe në fund të qershorit.
Situata u përkeqësua edhe më shumë nga temperaturat e larta të sipërfaqes së detit në Mesdhe, ku u regjistrua vlera më e lartë ditore ndonjëherë: 27°C.
Ekspertët paralajmërojnë se ngjarje të tilla ekstreme do të bëhen gjithnjë e më të shpeshta për shkak të ndryshimeve klimatike
. Ndikimet nuk janë vetëm në termometër por prekin shëndetin e njerëzve, bujqësinë dhe burimet e ujit në të gjithë rajonin.
