Evropa Perëndimore ka regjistruar qershorin e saj më të nxehtë ndonjëherë, deklaroi Shërbimi i Ndryshimeve Klimatike Koperniku i BE-së. Temperaturat mesatare kanë arritur në 20.49 gradë celsius, mbi rekordin e mëparshëm prej 20.43 gradësh në vitin 2003.
“Qershori 2025 pa një valë të jashtëzakonshme të nxehtësisë që ndikoi në pjesë të mëdha të Evropës Perëndimore, me pjesën më të madhe të rajonit që përjetoi stres shumë të fortë të nxehtësisë”, theksoi Samantha Burgess nga Qendra Evropiane për Parashikime të Motit me Afat Mesëm (ECMWF), e cila drejton shërbimin e BE-së.
Sipas raportit temperaturat e ajrit në qershor 2025 ishin mbi mesataren në pjesë të mëdha të Evropës perëndimore dhe qendrore.
