Një automjet tip Benz është përfshirë nga flakët gjatë lëvizjes në aksin Belsh–Kuçovë, në afërsi të zonës “Lokalitet”.
Brenda mjetit ndodheshin pesë anëtarë të një familjeje, të cilët fatmirësisht dolën në kohë dhe nuk pësuan lëndime.
Flakët u përhapën me shpejtësi për shkak të erës, duke rrezikuar edhe banesa pranë rrugës.
Ndërhyrja e zjarrfikësve dhe policisë bëri të mundur neutralizimin e zjarrit. Dyshohet se shkak është bërë një defekt teknik në automjet.
