IKMT ka vijuar sot aksionin për prishjen e ndërtimeve pa leje në zonën e mbrojtur të Thethit, ku u shemb një ndërtesë 2-katëshe e ndërtuar me betonarme dhe gur, si dhe disa struktura druri.
Kjo është dita e pestë e operacionit të përbashkët të IKMT, Policisë së Shkodrës dhe Bashkisë, për të liruar territorin nga ndërtimet e paligjshme.
Ndërkohë, banorët kanë protestuar kundër shembjes së bujtinave në sezon turistik, duke kërkuar shtyrjen e operacionit. Dje pati edhe përplasje fizike mes banorëve dhe policisë, e cila liroi me forcë urën hyrëse në fshat.
