Sekretari i Përgjithshëm i Partisë Socialiste, Blendi Klosi, zhvilloi një takim me drejtuesit dhe drejtorët e Bashkisë së Dibrës, në kuadër të procesit të ristrukturimit të administratës vendore.
Gjatë vizitës, ai inspektoi edhe zyrën e shërbimeve e-albania brenda bashkisë, që synon të thjeshtojë shërbimet për qytetarët, veçanërisht pensionistët dhe ata me pak njohuri teknologjike.
Në lidhje me dorëheqjet e fundit të drejtuesve në pushtetin vendor, përfshirë Bashkinë e Dibrës, Klosi theksoi se ky është një hap për përmirësimin e performancës së administratës dhe shërbimeve ndaj qytetarëve.
