Gjykata në Hagë rrëzoi kërkesën e mbrojtjes për heqjen e disa fakteve materiale nga aktakuza ndaj Hashim Thaçit, Kadri Veselit, Jakup Krasniqit dhe Rexhep Selimit.
Gjyqtari Charles Smith sqaroi se këto fakte janë pjesë integrale e aktakuzës dhe nuk mund të hiqen veçmas, pasi nuk përbëjnë akuza të veçanta.
Mocioni nuk u pranua, pasi sipas rregullës 130, aktakuza nuk mund të ndryshohet para fillimit të gjykimit në këtë mënyrë.
Aktakuza ngarkon të pandehurit për krime lufte dhe kundër njerëzimit gjatë periudhës 1998-2000, dhe ata ndodhen në paraburgim që prej nëntorit 2020.
