Policia ka arrestuar Petrit Çakrin, i njohur edhe si Hoxha, i cili dyshohet se ka bashkëpunuar në rrëmbimin dhe vrasjen e 23-vjeçarit Renis Dobra, ngjarje e rëndë që tronditi zonën e Dibrës ditët e fundit.
Çakri veproi në bashkëpunim me tre vëllezërit Bushgjokaj , Fatjonin Kristin dhe Aleksandrin. Njëri prej tyre është arrestuar, ndërsa dy të tjerët janë ende në kërkim.
Hetimet kanë zbuluar se viktima u mbyt dhe më pas trupi i tij u hodh në liqenin e Ulzës, ku u gjet pranë sektorit “C”.
Automjeti në të cilin dyshohet se ndodhej u fundos dhe më pas u gjet në liqen.
Renis Dobra kishte një precedent penal në Gjermani për shpërndarje droge në kuadër të një grupi kriminal.