Kryeministri Edi Rama ka bërë thirrje për të gjithë qytetarët që përdorin platformën e-Albania, duke i ftuar të marrin ndihmë falas në zyrat e bashkive dhe njësitë administrative në çdo qytet të vendit.
Ai thekson se çdo person apo zyrë private, si noterë apo avokatë, që kërkon pagesë për shërbime që ofrohen nga e-Albania, po vepron në kundërshtim me ligjin dhe duhet të denoncohet.
Sipas Ramës, për këto raste mund të shqiptohen masa të rënda, deri në heqjen e licencës.
“Qytetarët duhet të dinë që për çdo ndihmë në përdorimin e e-Albania, mund të drejtohen falas në zyrat e bashkive apo njësive administrative. Nuk ka asnjë arsye të paguajnë privatë për shërbime që janë publike dhe falas,” shkruan kryeministri në rrjetet sociale.
