Federata Shqiptare e Futbollit zhvilloi këtë të premte shortin për kalendarin e kampionateve të Superiores dhe Kategorisë së Parë për sezonin e ri.
Ndeshjet e javës së parë sjellin përballje mjaft interesante.
Vllaznia do të presë Egnatian, dy finalistët e sezonit të kaluar për titullin kampion. Partizani do të presë debutuesit e Vorës në kryeqytet, ndërsa Tirana do të udhëtojë në Ballsh për të sfiduar Bylisin.
Një tjetër ndeshje me pritshmëri të lartë do të jetë ajo mes Teutës dhe Dinamos.
Sezoni i ri pritet të nisë me emocione dhe rivalitet të fortë në fushë.
