Modelja Vesa Vllasaliu prej disa muajsh është në qendër të vëmendjes për një lidhje të mundshme me futbollistin e kombëtares së Kosovës, Mirlind Daku. Edhe pse asnjëri nuk ka konfirmuar publikisht romancën, fansat dhe ndjekësit kanë vërejtur detaje që nxisin dyshime.
Në një moment, Vesa iu përgjigj me humor një ndjekësi që i kërkoi të zbulonte identitetin e partnerit, duke mos e mohuar por as konfirmuar lidhjen. Mirlind Daku nuk ka reaguar deri tani.
Modelja ka kaluar një ndarje të vështirë nga futbollisti kosovar Mërgim Berisha, i cili e tradhtoi me shoqen e saj të ngushtë, Edonën.
Tani Vesa duket se ka rigjetur dashurinë dhe ka ndarë së fundmi në Instagram një foto me flokë të kuqe, duke shkruar: “Flokë të kuqe, sepse kështu i do ai”.
