Të paktën 34 persona kanë humbur jetën dhe disa të tjerë janë zhdukur pas përmbysjes së anijes turistike “Wonder Sea” në Gjirin Ha Long të Vietnamit, ku ishin 53 pasagjerë, përfshirë 20 fëmijë.
Zhytësit vazhdojnë kërkimet në kushte të vështira moti, ndërsa kryeministri vietnamez ka urdhëruar nisjen urgjente të operacioneve të kërkim-shpëtimit. Gjiri Ha Long, i njohur si “vendi ku dragoi zbret në det”, është një vend trashëgimie botërore i UNESCO-s dhe një destinacion turistik shumë i frekuentuar.
Në incident mbijetoi një djalë 10-vjeçar, i cili rrëfeu për përpjekjen e tij për të shpëtuar, ndërsa autoritetet po vazhdojnë operacionet në përpjekje për të gjetur dhe shpëtuar personat e tjerë të zhdukur.
