Policia e Sarandës ka reaguar për plagosjen në lagjen nr. 4 të qytetit. Sipas policisë, rreth orës 19:10 ka ndodhur një konflikt në këtë zonë dhe dyshohet se 56-vjeçari Adil Veli është qëlluar.
56-vjeçari është transportuar në spital ku edhe po merr trajtim mjekësor. Ndërkohë policia më tej sqaron se nga këqyrja paraprake e vendit të ngjarjes, dyshohet se gjatë momentit të goditjes me tytën e armës, arma është shkrepur në mënyrë të pavullnetshme në ajër, pa shkaktuar pasoja.
Si provë materiale, në vendin e ngjarjes është gjetur dhe sekuestruar një gëzhojë arme zjarri.
