Një koncert i planifikuar në Itali nga dirigjenti i njohur rus Valery Gergiev, i njohur për lidhjet e tij të ngushta me presidentin Vladimir Putin, është anuluar pas protestave të gjera publike.
Sipas mediave të huaja, Drejtoria e Pallatit Mbretëror të Caserta-s ka vendosur të anulojë koncertin simfonik të drejtuar nga Gergiev, i cili ka qenë i planifikuar për t’u mbajtur në datën 27 korrik në kuadër të festivalit Un’Estate da Re.
Anulimi vjen pas një peticioni të nënshkruar nga mbi 16,000 persona, përfshirë laureatë të Çmimit Nobel, politikanë dhe aktivistë drejtuar De Lucës dhe presidentes së Komisionit Evropian, Ursula von der Leyen, ku bëhej thirrje për anulimin e koncertit.
