Pas trajnerit Skënder Gega, nga Partizani është larguar edhe drejtori teknik, Sokol Haxhia. E ka njoftuar vendimin përmes një postimi në rrjetet sociale. Arsye nuk ka dhënë.
“Ka qenë nder dhe përgjegjësi e madhe të kontribuoj, gjatë kësaj periudhe, në zhvillimin e Partizanit. Largohem me krenari që dhashë më të mirën për këtë klub historik.
Faleminderit të gjithëve që më kanë mbështetur në këtë rrugëtim. Futbolli vazhdon… gjithmonë me pasion” shkruan ai.
