Dashi
E premtja ju gjen në lëvizje! Një ditë e mirë për udhëtime, mikpritje apo për të marrë e dhënë lajme. Tregoni lirshëm ndjenjat tuaja dhe mos u përmbani. Komunikimi sot ju shkon për mrekulli, por mos lejoni askënd t’ju hajë kohën me gjëra të kota.
Demi
Kini kujdes me fjalët sot. Jo çdo gjë që dëgjoni është e saktë. Mundohuni të ruani qetësinë, edhe kur përballeni me njerëz ngatërestar. Përballojini bisedat me sinqeritet dhe qartësi. Tregohuni të drejtpërdrejtë dhe të vendosur.
Binjakët
Tregojuni të vegjëlve në familje se i doni. Ka vend për dashuri, edhe përmes gjesteve të thjeshta. Kujdes nga njerëzit me dy fytyra. Kini sy e veshë hapur për të kuptuar kush e meriton vendin përkrah jush.
Gaforrja
Prisni mysafirë apo jeni vetë të ftuar diku? Sot dita sjell emocione, biseda të këndshme dhe ndjesi ngrohtësie. Mos ia lini asgjë rastësië, organizoni gjithçka me kujdes.
Luani
Një veprim i guximshëm nga një i afërm apo partner do t’ju emocionojë. Dita është e favorshme për të vënë rregull në marrëdhënie dhe për të treguar çfarë doni me të vërtetë. Rrini aktivë, por mos harxhoni energji kot.
Virgjëresha
Sensibiliteti juaj sot është më i lartë se zakonisht. Kujdes të mos dramatizoni çdo situatë. Jepini përparësi dialogut dhe mos i lini ndjenjat të marrin timonin.
Peshorja
Paratë sot janë mjet për të gëzuar dikë tjetër. Jepni pa u kursyer për ata që doni dhe do ndiheni më të pasur shpirtërisht. Fjalët tuaja kanë peshë. Përdorini për të qetësuar dhe për të bashkuar.
Akrepi
Sqaroni pa humbur kohë çdo merak që ju rëndon. Dita do jetë plot takime, biseda dhe lëvizje, ndaj niseni me një mendje të qetë. Mos lejoni ndonjë tension i vogël të prishë gjithë ditën.
Shigjetari
Planet që keni bërë për sot realizohen më mirë se ç’e keni menduar. Kjo ditë është për ju, për t’u ndjerë në kontroll, për të lëvizur, për të komunikuar. Guxoni të hidhni hapin që keni menduar prej kohësh.
Bricjapi
Zgjidhni sot të gëzoni jetën. Visuni me ngjyra të çelura, silluni me humor dhe mos e merrni çdo gjë kaq seriozisht. Gëzimi do t’ju hapë dyert më shumë se përpjekjet e zakonshme.
Ujori
Dita është po aq speciale sa do ta bëni ju. Do jeni më karizmatikë se zakonisht, me humor, sharmin dhe mençurinë që ju karakterizon. Shfrytëzojeni për të lënë mbresa pozitive.
Peshqit
Sot gjithçka mund të marrë një kthesë të papritur. Por në vend që të shqetësoheni, thjesht pranoni çfarë sjell dita. Vetëdija juaj do jetë çelësi për ta përballuar me mençuri.
