Dama Cleo Laine, këngëtarja e famshme britanike e jazz-it ka ndërruar jetë në moshën 97-vjeçare. Lajmin e vdekjes së Laine e deklaruan fëmijët e saj.
“Me hidhërim të thellë njoftojmë ndarjen nga jeta të nënës sonë të dashur, Cleo”, u shprehën Jacqui dhe Alec Dankworth.
“Ajo solli kaq shumë muzikë dhe dritë në botë dhe jetët tona. Kërkojmë privatësi ndërsa e kujtojmë me dashuri dhe mirënjohje.”, shtuan ata.
Artistja do të përcillet në banesën e fundit me një ceremoni private. Ndërsa më vonë gjatë këtij viti është planifikuar një koncert në nder të saj për të nderuar zërin dhe gruan që ndryshoi përgjithmonë jazz-in britanik.
