Trotuaret dhe hapësirat për këmbësorë po çlirohen nga tavolina, karrige dhe objekte të tjera të vendosura në mënyrë të paligjshme nga bizneset, duke u kthyer qytetarëve atë që u takon me të drejtë.
Një nga shembujt pozitivë është Shkodra, e cila sipas kryeministrit Edi Rama, ka filluar “të marrë frymë lirisht”, pas bashkëpunimit me bizneset lokale dhe ndërhyrjes së autoriteteve.
Në një postim në rrjete sociale, Rama vlerësoi ndërgjegjësimin në rritje të pronarëve të bizneseve, të cilët kanë filluar ta kuptojnë rëndësinë e respektimit të hapësirës publike si pjesë e jetës urbane.
