Ministria e Mbrojtjes njofton se gjatë 24 orëve të fundit janë regjistruar 34 vatra zjarri, prej të cilave 17 janë ende aktive, 6 janë nën monitorim dhe 11 janë shuar.
Vatrat më problematike janë në zonat e Parkut Kombëtar të Lurës, Zall Gjoçaj në Mat, Kalas në Delvinë dhe Markat në Konispol.
Për shuarjen e zjarreve janë angazhuar 953 forca operacionale, 56 automjete zjarrfikëse dhe 5 helikopterë.
Sipas IGJEO-s, sot priten reshje të dobëta që mund të ndihmojnë në përmirësimin e situatës.
Megjithatë, rreziku i zjarrit mbetet i lartë në qarqe si Tiranë, Fier, Vlorë dhe Gjirokastër.
Ministria bën thirrje për kujdes të shtuar dhe raportim të menjëhershëm të çdo vatër zjarri.
