Rama ka rrëfyer për herë të parë me kaq detaje për jetën e tij private, politike dhe artistike, në një intervistë për revistën prestigjioze gjermane ZEITmagazin.
Rama tregon se nuk kishte menduar kurrë se do të futej në politikë, por përfundoi “i zënë rob” i saj.
Ai kujton momentin kur iu kërkua të bëhej ministër i Kulturës në vitin 1998, vetëm një ditë pasi kishte humbur babain. “Nëna më tha me lot: çfarë është më keq, vdekja e babait apo që bëhesh ministër?”, rrëfen ai.
Për Ramën, periudha më e vështirë politike mbetet humbja në zgjedhjet e vitit 2009. “Isha shumë i bindur në mendimet e mia, por nuk e kuptoja që politika është art, dhe shteti është një makinë që kërkon durim,” tha ndër të tjera kryeministri në këtë intervistë intime.
