Një avion ushtarak i tipit Cessna C-208B është rrëzuar në rajonin jugor të Venezuelës, pranë qytetit Puerto Ayacucho, duke shkaktuar vdekjen e 7 personave.
Sipas Ministrisë së Mbrojtjes, avioni po transportonte anëtarë të komunitetit indigjen Yanomami drejt një fshati në Amazonë.
Në bord ndodheshin gjithsej 10 persona. Tre prej tyre, përfshirë kapitenin e avionit, u nxorën të gjallë nga rrënojat.
Ngjarja ka tronditur vendin, veçanërisht për faktin se ishte një fluturim humanitar për të ndihmuar komunitetet e izoluara.
Autoritetet kanë nisur hetimet për të zbuluar shkaqet e aksidentit, ndërsa ky është incidenti i dytë i ngjashëm me avionë të këtij lloji në pak vite.
