Mediat britanike raportojnë një rritje të ndjeshme të numrit të shtetasve të huaj në burgjet e Mbretërisë së Bashkuar, ku shqiptarët janë grupi më i madh.
Deri në qershor 2025, janë 1,731 kriminelë seksualë të huaj në burg, një rritje prej 9.9% brenda vitit, shumë më e lartë se te britanikët.
Të huajt përbëjnë 12.3% të totalit prej 87,000 të burgosurve në Angli dhe Uells, ndërsa shqiptarët numërojnë 1,193 të burgosur, edhe pse ky numër ka rënë nga 1,475 në 2023. Pas tyre renditen polakët, rumunët dhe irlandezët.
Gjithashtu, të burgosurit e huaj kanë dyfish më shumë gjasa të jenë për krime droge, duke përbërë rreth 20% të të dënuarve për trafik apo posedim droge.
Në vitin e fundit është shënuar rritje e të huajve të burgosur nga India, Irani, Afganistani, Sudani dhe Siria.
