Kryeministri britanik Keir Starmer dhe presidenti ukrainas Volodymyr Zelensky kanë përshëndetur ultimatum-in e fundit të presidentit amerikan Donald Trump ndaj Rusisë, duke kërkuar hapa konkretë për paqe në Ukrainë.
Pas një bisede telefonike, Downing Street njoftoi se të dy liderët ranë dakord se Rusia është pengesa kryesore për përfundimin e luftës. Zelensky shtoi se po planifikon një samit global për paqen, në koordinim me SHBA-në dhe presidentin Trump.
