Interi po planifikon ndryshime në skuadër për sezonin e ri, duke synuar jo vetëm afrime të reja, por edhe largime që mund të sjellin të ardhura për klubin.
Mediat italiane raportojnë se disa lojtarë janë në listën e largimeve.
Kristjan Asllani është një nga emrat kryesorë. Mesfushori shqiptar dëshiron të qëndrojë në Itali, por Interi kërkon rreth 18 milionë euro për kartonin e tij.
Ndërkohë, Mehdi Taremi është në shënjestër të disa klubeve angleze si Fulham, Leeds, Nottingham dhe West Ham, të gatshme të ofrojnë deri në 10 milionë euro. Sulmuesi iranian dëshiron të mbetet në Europë për të vazhduar karrierën.
Esposito dhe Palacios janë gjithashtu pranë largimit. Të ardhurat nga këto shitje mund t’i hapin Interit rrugën për goditje të reja në merkato.
